我主場:民主小女神籲實體投票 周澄:政治同每人都關事


刊於《蘋果日報》6月28日

28ed6p1

有人話「我討厭政治」,道理有如不喜歡返工,最後工還是要返,躲不過。與其逃避扮無知,不如學曾被稱為「民主小女神」、金像編劇岸西的女兒周澄結結實實站出來,明天公投最後一日,以民意向假普選說「不」。實體投票總好過「被代表」,最新投票數已超過74萬,周澄的理由很簡單「中資的資料庫太強大,你唔知佢幾時用咗你嘅資料」,到時周澄一家會以身作則實體投票,以被中央指「不合法」的選票,向建制派的A、B餐說不。

撰文:何永寧

先說前文,2010年名編劇兼導演岸西二女兒、現年27歲的周澄(Crystal),出戰立法會議員補選為五區公投出力,因而獲得少女版「民主女神」的稱號。相對有藝人聲言討厭政治,Crystal卻前仆後繼,形成一種強烈對比。早前周澄接受訪問時解釋「政治」其實關係到每一人,要避都是自欺欺人,她說:「你以為好多嘢同政治唔關事,唔投票嘞,當有一日你去到百佳、惠康,點解你見到啲嘢貴晒嘅,呢啲關乎民生、樓價同通脹,唔係自然嘅事嚟,政府通通可以做到嘢,個議會唔出聲,最後變咗啲人想點就點,所以政治同每一個人都關事,社會運動亦都係咁。」

明日公投最後一日,已經在網上投票的Crystal決定實體到票站投票,她的理由很簡單,就是因為中資機構太強大,已經到無孔不入的地步:「呢個係關鍵時刻,到底你要假普選定想推倒重來,或者食建制派嘅A、B餐?香港已經冇彎轉,今次唔表態唔發聲,你冇下一次機會。我覺得有心投票嘅市民,可以嘅話應該實體到票站投,因為中資嘅data base(資料庫)太強大,你去工聯會參加太極班、讀烹飪,佢已經有晒你嘅資料,啲資料點用冇人知,所以穩陣一定要去實投,因為實投之後你網上嘅投票會自動取消。」她覺得今次多了人投票要拜內地發表一國兩制的《白皮書》有關:「好多人都覺得俾人逼到埋牆角,最後公投結果係點要到時至知,不過去投票就一定冇錯。」她認為當投票有一定民意基礎時,建制派亦不能置若罔聞。

28ed6p2

明天全家投票表態

8964,Crystal三歲就由母親岸西抱着上街參加遊行,到五區公投岸西輕描淡寫一句「只是擔心女兒太夜返」,Crystal表示家人一直都支持自己,她說:「29號最後一日我哋會一家人去實體投,用選票表態。」她笑言有幫母親執導的電影、劇集客串,不過很多時都被剪走,她說:「之前媽咪拍《親密》,有場講林嘉欣喺茶餐廳見面,我幫手扮茶客攝番啲空位,最後媽咪剪咗。最新一輯《獅子山下》又有幫媽咪手,今次就好似有得出鏡。」

周澄目前為立法會議員梁繼昌擔任助理,到今年9月她會到英國修讀一年能源及氣候政策,同樣跟民生及政府有直接關係,她解釋:「因為覺得氣候變化同全球經濟政治都息息相關。希望我走之前公投同佔中都會有一個定案。」

廣告

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s